دروس فى الرزالة والغتاته

فى الكلية هتقابل صاحبك وهتقعدوا على أى كافيه

هيجى الجارسون سيب صحبك يطلب الأول وبعدين استلم الجارسون بقى واديله نصيبه

قوله عندك برجر ؟ هيقولك اه

قوله حلو ؟ هيقولك تمام

قوله اوك يبقى اكتب واحد شاورمة

طب عندك كبده ؟ هيقولك ايوة قوله معمولة ازاى ؟

سيبه يرغى شوية وقوله انا اصلا مبحبش الكبدة فكك

حاول تطلب حاجات غريبة زى سندوتشات حلاوة طحينية على اساس انك فى سجن أبو زعبل

أو سندوتشات بيض أو بتنجان أو لبن العصفور أمسك فى الحاجات اللى مش موجودة كلها

المهم حاول تجيبله جفاف عقبال ماتطلب اللى انت عايزه

وأنت بتاكل بقى أتسلى على المخلل اللى مش عاجبك أرمى شوية على التربيزة وشوية على الأرض أنت وذوقك بقى

لو معاك كاتشب مفيش مانع تكتب أول حرف من اسمك على التربيزة ترسم قلب عادى يعنى المهم تخليله التربيزة شبه التورتة

ومتنساش تعيب على الأكل وأنت بتحاسب وكمان تقول الحساب غالى

fe elmodarag.....

فى المدرج أرشق نفسك بين أتنين متعرفهمش وابتدى الشغل بقى أتعامل على إنك صاحبهم من قرن

يضحكوا على حاجة اضحك معاهم كده يعنى المهم تركز معاهم كأنك من بقيت أهلهم ولا خلفوك ونسوك

أو طريقة تانية أتلكك لكل اللى جنبك كل ماحد ينطق كلمة قوله لو سمحت أسكت عشان أفهم

لو مسكتش أنا هقول للدكتور والحركة دى رذلة ومستفزة جدا بس اشطه يعنى

وياسلام لو واحد وواحدة يبقى أنت كده جبت من الآخر

لو جنبك واحد بيكتب يبقى اتفتحتلك طاقة القدر اقعد اسأله وعطله ومتخليهوش يكتب سطرين على بعض

استلم أى حد واسأله المحاضرة هتخلص امتى ؟ وكل فيمتو ثانية كده اسأله الساعة كام اصل أنا زهقت

طبعا هو اللى زهق وطهق من الكلية وبيقول ياريتنى ماكملت تعليم وكره حياته كلها زى باقى الضحايا

ya dema3'o>>>

عايز تعمل دماغ حلوة روح على شباك شئون الطلبة المهم حاول تعمل أهبل وأنت داخل وعايز تقف أول واحد

هيرجعوك ورا تحاول تقف مكان أى حد وترذل على كله هما أصلا بيبقوا واقفين مش طايقين نفسهم

لو واقف تانى واحد كده مفيش مانع تزق اللى قدامك تلبسه فى الشباك الحديد وتقول الله ياجماعة ياللى ورا متزقوش

ومن قبل ماينطق ولا كلمة تقعد تقوله خلص يالا عشان غيرك ومتخليهوش يركز مع بتاع شئون الطلبة خالص

لما يجى دورك بقى بيبقوا عايزين يخلصوك ويكروتوك واللى واقفين وراك فى الطابور مستنينك تغور فى داهية بفارغ الصبر

خد وقتك كأنك بتحجز فى سينما و اسأل أسئلة كتير وكل مايقولك حاجة قوله مش فاهم معلش قول تانى فهمنى أعمل أيه بالظبط لحد ماتشل أكبر عدد ممكن

وبكده يبقى أنت مارست هوايتك وقضيت يوم رذل

وابقي قابلني لو روحت بيتك سليم

سيارة بشرية شاب يحول نفسه الى سيارة

قام شاب أميركي في تحويل نفسه الى سيارة بشرية تستطيع ان تسير منتصبة القامة. الشاب دور بوميير قال انه استلهم الفكرة من قصص الشخصيات الروبوتية المتحركة ,

مشيرا الى انه قام بتفكيك اجزاء سيارة لعبة خاصة بالاطفال ثم اعاد تصميمها وتثبيتها بطريقة مبتكرة حول اجزاء جسمه بحيث اصبح من الممكن القول انه قد تحول الى سيارة بشرية منتصبة.ويستطيع بوميير ان يقود السيارة في وضعية الانتصاب على نحو يسمح له بالمناورة الكاملة وفي الوقت ذاته يستطيع ان ينطلق بها في وضعية الانبطاح الافقي بحيث يكون مواجها للارض.وقال بوميير انه نجح ايضا في تطبيق الاسلوب ذاته على دراجة نارية مشيرا الى انه يأمل في ان يتمكن من تسويق تلك الافكار تجاريا في الولايات المتحدة واوروبا.

معنى الرقم الموجود خلف البطاقة

صرح المسئول الإعلامى بمركز الإعلام الأمنى بوزارة الداخلية بأن الرقم الكودى المدون بالوجه الخلفى لبطاقة الرقم القومى أسفل شعار الجمهورية هو الرقم الدال على محطة الإصدار التى قامت بإصدار البطاقة، وذلك لتسهيل معرفة مكان إصدارها فى حال الاحتياج إلى ذلك .

وأوضح المسئول الإعلامى، فى تصريح له - الخميس - أن الرقم الكودى يبدأ من رقم واحد وحتى 10 أرقام، ويمثل أرقام مراكز إصدار بطاقة الرقم القومى الموزعة حاليا على مستوى الجمهورية .

أسباب انسحاب بشرى من بطولة عرض ''براكسا''

قرر المخرج نادر صلاح الدين ترشيح المطربة زيزى نجمة ستار اكاديمى لتحل محل الفنانة بشرى فى العرض المسرحى ( براكسا) المقرر استئناف عرضه خلال الايام القليلة القادمة .

جاء القرار بسبب رفض بشرى بشكل كامل استئناف المسرحية ليس لشئ سوى انشغالها بالعديد من المشاريع السينمائية والتليفزيونية الجديدة المقرر عرضها خلال الفترة القادمة مثل فيلم (جدو حبيبى) مع الفنانين الكبار محمود ياسين ولبنى عبدالعزيز والجزء الثالث من مسلسل (لحظات حرجة) وفيلم (عروسة حلاوة) مع عمرو واكد وغيرها من المشاريع الفنية الاخرى .

وأعلن مخرج العرض المسرحي نادر صلاح الدين، أنه سيقيم مؤتمرا صحفيا، مساء الخميس، بمسرح قصر النيل بوسط القاهرة للاعلان عن التفاصيل الجديدة الخاصة بالمسرحية فى حضور بطلة العرض الجديدة زيزى .

نتيجة الثانوية العامة 2011 سترسل عبر البريد الالكترونى للطلاب

ستقوم وزارة التربية والتعليم بإرسال نتائج الثانوية العامة لهذا العام على البريد الإلكترونى للطلبة، بالإضافة إلى حصول طلبة الثانوية العامة على بريد إلكترونى خاص بهم من خلال (بوابة الثانوية العامة) على الإنترنت.

وقال الدكتور أحمد طوبال معاون وزير التعليم لشئون تكنولوجيا المعلومات والاتصالات : إن التواصل المباشر مع الطلبة والمعلمين يعتبر من أهم الأهداف التي تسعى وزارة التعليم لتحقيقها ، حيث يؤثر هذا الاتصال الدائم على جودة العملية التعليمية برمتها، وقدرة الوزارة على تقديم أفضل الخدمات التعليمية لجميع الطلبة دون استثناء وفي أي مكان، ولذا تأتي أهمية البريد الإلكتروني التي أتاحتها الوزارة للطلبة وبدأت في استخدامها الآن على نطاق واسع.

وأضاف أن وزارة التربية والتعليم قامت بإرسال الجداول الخاص بالمراجعات النهائية والحصص الافتراضية الخاصة بخدمات بوابة التعليم الإلكترونى على البريد الإلكتروني الخاص بطلبة الثانوية العامة في مرحلتيها الأولى والثانية.

يأتي ذلك في الوقت الذي رصدت فيه وزارة التربية والتعليم محفزات لتشجيع الطلاب على الدخول إلى البريد الإلكتروني الخاص بهم والاستفادة منها، ويمكن للطلاب الحصول على البريد الإلكترونى الخاص بهم من خلال بوابة الثانوية العامة.

وقامت الوزارة بإعداد دليل كامل لخدمة البريد الإلكتروني وكل المعلومات المرتبطة بتشغيل الخدمة والتعامل معها ونشرته على بوابة المعرفة على موقع الوزارة.

يذكر أن وزارة التربية والتعليم كانت قد أنشأت أيضاً حسابات بريد إلكتروني للتواصل مع المعلمين المساعدين، ويستطيع كل معلم أن يحصل على بريده الشخصي من خلال الصفحة الإلكترونية للمعلم الموجودة على موقع وزارة التربية والتعليم.