بانر

حادثة يرويها شخص ناجى من الحادثة شوف الحكاية وشوف وصلنا لفين

حادثة حدثت عندنا كان عائد من الاسكندرية على الطريق وصاحبها يحكيها فى بوست على الفيس بوك وده البوست زى ما هو كاتبه لم يتم التعديل فيه فى اى شىء :
الحمد لله ، ربنا نجاني و أعطاني فرصة تانية في الحياة بعد حادث شديد تعرضنا ليه الأسبوع اللي فات و احنا راجعين من اسكندرية... ربنا رحمته كانت شاملة ، و ستره كان كبير ، و عافيته كانت أوسع .
الحادثة أثبتت لي ثلاثة أشياء هيبقوا مبدأ في حياتي ن و عليه هتتغير أشياء كثير...

1. في مصر ... نحن في قاع قاع الزفت ... نحن لا نعيش.
الحادثة حصلت بسبب عربية نقل محملة سولار (مسروق لأن السولار لا ينقل بهذه الطريقة) و برميل سولار وقع منها على طريق يفتقد أصلا لأي معيار أمان. البرميل وقع و صاحب العربية مضى كأن شيئا لم يكن.
البرميل اعترض طريق العربية بتاعتنا فهدينا عشان منخبطوش قامت تريلا خبطتنا ... دخلنا في السولار فالعربية فقدت توازنها و اعتترضت طريق التريلا اللي خبطتها خبطة آخرى كانت هتقلب العربية بالإضافة لأنها كانت بجوار التنك بالظبط.
الحمد لله مكانش فيه شيء قدامنا فده سمح أن العربية تتزحلق و تركن على الرملة جنب الطريق ... و مضى صاحب التريلا رقم 16175 و كأن شيئا لم يكن.
انتظرنا النجدة من واحدة و نص لحد اربعة و هنا قررنا نأجر عربية و نروح لأقرب قسم (محرم بيه) اللي رفض عمل محضر إلا لما العربية تيجي لحد عنده هي و صاحبها.
العربية راحت القسم بالعافية ، و الكاوتش غرقان سولار ، و ادينا بتاع المحضر 150 جنيه كمان عشان يخلص المحضر و يختمه.
أنت لا تعيش .... أنت فعلا في قاع قاع الزفت.

2. لا يوجد شيء حقيقي اسمه "دولة مصر" .. هذه اساطير الأولين ... لا يوجد دولة بالمعنى المتعارف عليه للدولة ، طرق و مرافق و إسعاف و نجدة إلى ما آخره.
نحن نعيش في اللاشيء .. يوجد بعض الناس معهم سلاح يطبقون قانونا وضعوه بمزاجهم على أناس بمزاجهم و لهم الحق في كسر القانون الذي وضعوه بأنفسهم بمزاجهم .
تلك الكائنات التي تعيش على تلك الرقعة من الأرض لا حق لهم في شيء أصلا ، و مطالبتهم بحقوقهم في هذا المكان هو العبث بعينه لأنه لا يوجد دولة حتى تطالبها بحقوقك.
كل الكلام عن أشياء رفاهية كحقوق التظاهر السلمي و الممارسات السياسية و خلافه هو تضييع وقت .. لا دولة أصلا لكي تمارس فيها تلك الرفاهيات التي تطالب بها.
لا تعتمد على مصر في أي شيء و لو حتى إنقاذك من حادثة أو إسعافك قبل الموت. مصر مش فاضية لك.
باعتراف أنه لا يوجد دولة أصلا ستجد تفسيرا منطقيا لكل ما يحدث حولك.


3. لا يوجد على هذه الأرض التي تعيش عليها أفضل من الأصدقاء اللي بتعتز بيهم . هم فقط ما يجعلون للارض معنى. قوي علاقتك بيهم ، و اعتمد عليهم و اجعلهم يعتمدون عليك.. خلي ليك صاحب في كل مكان عشان متتزنقش.. خليكوا لطاف مع بعض عشان العالم مكان قاسي و فاني ، و مرارته مش طالبة زيادة.

شكرا لكل من سأل... و دعواتكم