بانر

كلمات اغنية بنعض فى بعض التريقه على اغنية اعلان موبينيل دايما مع بعض

كلمات اغنية بنعض فى بعض 
اغنية جامده جدا على كيف كيفك 
الاغنية تريقه على اغنية اعلان موبينيل الاصليه دايما مع بعض 



ازاى عايزين نعيش مع بعض ؟!
واحنا اساسا مش طايقين بعض
ولو بكره مش حنتغير 
حنفضل كده بنعض فى بعض 

نوبة وين ... ايه عملتوا فيه
على ارضه تجووور وتسيبه يغووور
والنوبة ... ارض لواحديه

صاحبى الى باطه فى وشى بيخلينى متبنج
ريحه فانلة امه بتخلينى باتشنج
وده مش ذنبى ... انه لازق جنبى
ده ليل ونهاااار ... خانق اهلى 

هيلا هيلا ياريس قوم شد القلوع 
لو مركب عدى هنا حنقول له ده الصيد هنا ممنوع
فى معدية واحد ماشى مانعرفوش ومد ايديه
وقع فى الشبكه كلته سمكة وغرق وراااح

الارض الى فى جار الدار .... ارضى 
والزرع الى زارعه الجار .... زرعيييى
عمك ياذ راقد تعبان ... قوم كوش على ارضه
قبل ما واحدة من النسوان ... تيجى تقاسمك ورثه

ازاى عايزين نعيش مع بعض ؟! 
واحنا اساسا مش طايقين بعض
ولو بكره مش حنتغير
حنفضل كده بنعض فى بعض 

اتخرجت من الجامعه بس الشغل فين قولولى
رحت انترفيو واتنين وتلاته وسقعولى
كلنا قاعدين عالقهوة يدوب عارفين نشرب بالعافية سحلب
واللى حيتخرج ييجى يقعد جنب صاحبه
ولو حظك معدى ... وتلاقى حد ياخدك
كله يحاربك فى رزقك حتى اللى قاعد جنبك
تشتغل بجد بقلب بضمير 
تفضل واقف مكانك او تموت فقير

على مدد الشوف ... اراضينا
عايشين من خير ... اهالينا
من ايام الاجداد
افيونا يا واد 
اقوى الانواع
ماتلاقيه فى اى مكان

عليا النعمة ما حد معدى 
كله يجيبلى فلوسه هنا عندى 
طلع اللى فى جيبك ... يلاااا
يالا مش حنسيبك ... يلاااا
دفتر الشيكات 
والــ BB والــ iPad 

من بوى ومن قبله جد 
واضعين يدنا بهادى الارض 
لا يهودى ولا مصرى فرقان 
هايدى اتاوتنا من زمان 
بتراعى اخلاق الضيف بترتاح بيناتنا وبتنام
مابتدفع اتاوتك مرة بنذبحك كيف الاغنام

ازاى عايزين نعيش مع بعض 
واحنا اساسا مش طايقين بعض 
ولو بكره مش حنتغير 
حنفضل كده بنعض فى بعض