الاول نمشي على الخطوات دي
Start
Control panel
Folder options
نختار تابة view
هتظهر صفحة زي اللي في الصورة بالظبط على الشمال و نشيل علامة الصح ( و لو كانت متشالة نسبها زي ما هي ) .. نروح على اي فايل على الكمبيوتر هنلاحظ ان جميع الفايلات بقى مكتوب جنب اسمها ( نقطة و في كام حرف جنبها ) زي ما ظاهر في الصورة على اليمين مجموعة من الامتدادات للفايلات .
الامتداد يعتبر هو عنوان فايل .. اللي بنعرف منه الفايل هيشتغل على انهي برنامج .. يعني مثلا امتدادات فايلات الصوت بتبقى (.mp3) او (.rm) و غيرها .. فايلات الفيديو مثلا (.mp4) او (.flv) و غيرها ... و هكذا بالنسبة لكل فايل على الجهاز.
و للتاكد من اهمية الامتداد .. نروح عند اي صورة – بس يكون الامتداد ظاهر – و نغير اسمها .. هنلاقي شكل الصورة اتغير تماما و الجهاز اصبح مش قادر يتعرف عليها .. و لو جينا نشغلها مش هتشتغل .. لكن لو كتبنا جنب الاسم بعد ما غيرناه الامتداد .. هنلاقيها رجعت لطبيعتها تاني
الامتدادات طبعا مش بتتحفظ .. بس مع الوقت و الخبرة و التعامل مع الفايلات بصورة اكبر هنلاقي نفسنا عارفين مجموعة كبيرة من الامتدادات
و اخيرا لو عايزين نشيل الامتداد تاني من جنب اسم الفايلات .. هنمشي على الخطوات السابقة و نرجع علامة الصح تاني