طريقة لاخفاء الملفات بطريقة محترفة غير الطريقة التقليدية

ديه طريقة اقوى واسرع في اخفاء الملفات لو انت عايز تخفيها عن المتطفلين

طبعا فيه طريقة معروفة وهي انك تعملهم Hidden بس المشكلة ان فيه بعض الناس عندهم شوية خبرة وعارفين ازاي يظهروا الملفات الHidden

لكن اللي احنا حنعمله ان احنا هنخلي الملف او الفولدر اللي عايزين نخفيه حنخليه Hidden و System في نفس الوقت بحيث ان حتى لو اظهر الملفات المخفية مش حيظهر الملف او الفولدر

الطريقة سهلة جدا

حتفح RUN

وبعيدن تكتب CMD

وبعدين تكتب الامر ده

attrib +S +H

مع مراعاة المسافات في الامر و الحروف الكابيتال

وبعدين تسيب مسافة وتكتب المسار اللي فيه الملف زي ماهو موجود في الصورة كده

يعني في الصورة انا كنت عايز اخفي ملف اسمه Setup.exe واللي موجود في المجلد NVIDIA في ال C يعني شكل المسار النهائي هو :

c:\NVIDIA\setup.exe

والامر كله زي كده :

attrib +S +H c:\NVIDIA\setup.exe

الموضوع مش صعب ولا حاجة خالص تكتب الامر ده وبعيدن مسار الملف او الفولدر اللي فيه الحاجة اللي عايز تخفيها وخلاص كده حتى لو اظهر ملفات الهيدين بالطريقة المعروفة برضو مش هتظهر لان الملف مازال موجود على انه ملف سيستم وملفات السيستم مش هتظهر

========

طيب نيجي لطريقة اظهار الملفات تاني

عندك طريقتين :

1- طريقة سريعة لو عايز بس تشوف الملفات مؤقتا

وهي انك تظهر الملفات الهيدين بالطريقة المعتادة زي ماهو موضع بالصورة

لكن كمان تشيل الصح من على الاختيار اللي تحتيه الموضح برضو في الصورة وبكده حتظهر ملفات اللي محطوطة على انها ملفات سيستم

طبعا حيظهر الملف بتاعك وحتشوفه او تعمل فيه اللي انت عايزه وبعدين ترجع الخيارات ديه زي ماكانت ولا من شاف ولا من دري

2- الطريقة التانية لو حبيت ان الملفات ترجع زي ماهي ظاهرة على طول بشكل طبيعي بدون ما تغير اختيارات او اي حاجة وهي انك تكتب الامر ده وبعديه مسار الملف :

attrib -S -H

يعني لو عايز اعمل الحوار ده على الملف بتاعي هكتب زي كده :

attrib -S -H c:\NVIDIA\setup.exe

وزي ما هو واضح ان الفرق بس ان قبل حرفين ال S و ال H علامة ناقص بدال زائد

=============

حاسس ان ممكن ناس تستصعبها بس انت جربها وهتلاقيها تافهة جدا وسريعة