تويتات ساخرة تناولها زوار المواقع الرياضية والفيس بوك وتويتر وتعليفات تحمل العديد من السخرية التي يتناولها المصريين بعد اعلان ان الهلال و النجمة الذهبية الرعاة الرسميين لوجه فانلة نادي الزمالك وتناول الامر بسخرية كبيرة بين مشجعين الفرق المصرية المختلفة
وهو ما دفع مسئولي الزمالك بأخذ قرار وتم الاعلان عنه انه سيتم انهاء هذه الحالة برفض وضع اعلان الهلال و النجمة الذهبية على صدر فانلة الزمالك واعلنوا عن نتيهم تولي مسئولية التسويق لها بعدما اشار مسئولي وكالة الاهرام لذلك ليكون حق رعاية الزمالك فقط 19 مليون جنية خلال هذه السنة بعد ان يتم خصم 6 مليون وهي ماكان مقررا لتسويق الفانلة وفي نفس النطاق اعلنت وكالة الاهرام ان شركة قطونيل للملابس القطنية تسعى لاقتناص فرصة وضع اعلانها على ظهر فانلة النادي وينافسها شركة
واليكم بعض التعليقات التي تم تناولها :
*** 1 ***
الخطة الجاية نلعب بفتح الله وقدامه 2 مساحين
*** 2 ***
الشعب يريد .. اي جاروف جديد !
*** 3 ***
بعد الاتفاق مع شركة الهلال والنجمه على رعاية قميص الزمالك
*** 4 ***
الزمالك يقرر التعاقد مع اللاعب "دقدق" وإعطاء رقم 9
وخلى بالك من العلامه
*** 5 ***
بالهلال والنجمة الذهبية ..لادورى ولا كاس ولادورة رمضانية
*** 6 ***
ياريت متنسوش الواد دقدق يكون مع الفريق عشان كل ما يدخل جون تقولوا ( اجري ياواد يادقدق هات الكورة من جوة الجون)
*** 7 ***
مدرسة الفن في النظافة وفري فلوسك واشتري الهلال والنجمة الزملكاوية..
*** 8 ***
إديها كنسة .. يجيلك الدورى بلمسة
*** 9 ***
النجار كسب. الشحات شكله خسر. الخضيري شكله حيكسب. انتم ازاي معتبرينها اخبار مهمة جنب ان الزمالك حيحط اعلان الهلال و النجمة عالتيشيرت؟
*** 10 ***
مفيش لعب وفن وهندسة .. بقى فيه جردل وجاروف ومكنسة
*** 11 ***
اشتري فانلة الزمالك الجديدة.. واختار هديتك بنفسك، جردل- مساحة- مقشة، أو منفضة ريش نعام..
*** 12 ***
انسى هداف الدورى او الكاس و ركز في لقب كناس !
*** 13 ***
طبعا فى كل مبارة هنلاقى كل لاعيب نازل
جردلة فى راسة
ومقشتة فى ايدة
وجاروفة فى رجلة
الى الامام .....الى الامام .... دورى ...دورى
*** 14 ***
وفي السنة اللي ظهرت فيها الجلابية.. هيظهر شعار الهلال والنجمة الذهبية.
*** 15 ***
يازمالك يا مدرسة فن ولعب ومكنسة.
*** 16 ***
انا مش شايف فيها عيب شركة مكافحة ولازم نقف جنب شركاتنا الوطنية بس اهم حاجة اتحاد الكورة يخللي ماتشات الاهلي علي الاستاد بعد الزمالك بساعتين تلاتة علشان نلعب والاستاد لسة بيبرق
*** 17 ***
اعلان الهلال و النجمة اللي جاي: عبد الواحد السيد بينط يجيب العنكبوت
*** 18 ***
كدا ضمنا كاس اللعب النضيف
*** 19 ***
واد يا دقدق هات تي شيرت الزمالك وخلي بالك من العلامة.
*** 20 ***
وياترى اخونا ابوجلابيه اللى نزل الملعب….من حقه بوكسر قطونيل
*** 21 ***
الزمالك بعد المئوية يضع "الهلال والنجمة الذهبية" للمستلزمات البلاستيكية.
*** 22 ***
أغنية المئوية : مقشة في البلكونة جردل في العربية واقف في الشوارع بنظف العربية
*** 23 ***
كل الفرق ليها كابتن وبيضع شارة علي دراعه بس في الزمالك الكابتن بيلعب والمساحة في إيدة
*** 24 ***
الهلال والنجمة الذهبية في ثوب أبيض جديد نظفي حمامك وما تستنيش وخلي بالك من العلامة.
*** 25 ***
عبد الواحد بعد كدا هياخد مساحته وجردله اللي زي الفل معاه علشان ينضف الجون بتاعه بعد كل ماتش.
افهم من كده اننا لما نحب نشتري طبق بلاستيك أو مساحة أو جردل بلاستيك نقوم نروح نادي الزمالك.
*** 26 ***
ناقص يجيبوا على الشورت إعلان فوط صحية عشان تكمل.
*** 27 ***
طيب بالنسبة لمحلات هريسة الطيبين ممكن يدخلواالمنافسة؟!!
*** 28 ***
واد يادقدق اجري جري على عمك شحاتة وهات منه جردل ومساحة الهلال والنجمة الذهبية
*** 29 ***
نوادي الكرة زي اصحابك .. نادي يفرحك .. و نادي يزاولك .. ونادي يبهدلك
*** 30 ***
دي الخطوة الأولى ، وبعد كدا تأتي الخطوة الثانية وهي تصوير إعلان لمنتجات الشركة مع لاعبي الزمالك وسيناريو الإعلان هيكون كالآتي : سيظهر لاعب وهو بيمسح الأرض ويظهر لاعب آخر وهو شايل الجردل ولاعب ثالث بيستحم في تشت بلاستيك
