على كيف كيفك

فيديو مستر نانا وحوار كوميدى من ميدان التحرير

فيديو مستر نانا

وحوار كوميدى من ميدان التحرير

نكت ثورة 25 يناير

اثنين محششين واحد بيسأل الثاني
اذا انتصرنا عالحكومة وفزنا عليهم حيحصل إيه ؟؟؟؟
رد عليه الثاني : حنلعب مع تونس عالنهائي

*********************************
ظهور الرئيس مبارك يرفع لافته كبيررة متكوب عليها
الرئيس يريد تغيير الشعب

**********************************

سألوا الرئيس عن رأيه في التغيير ، قال : التغيير ده سنة الحياة . قالوا :طب وسياتك مش هتتغير؟ قال : أنا فرض مش سنة

**********************************

احمد عز والبرادعي راكبين عربيه رايحين ميدان التحرير

فالبرادعي يقول لاحمد عز انا لو خطبت في الناس حيصقفلى نص مليون ,,,,

فاحمد عز بيقول للبرادعي وانا لو خطبت حيصقفلى اتنين مليون

فوقف السواق وقلهم وانا لو دخلت بيكم فى الحيطه حيصقفلى 80 مليون ..

****************************************

يوم امس راح مواطن مصري ليرشح نفسة للرياسة الجمهورية

فرد علية الموظف التسجيل انت عبيط وإلا اهه

فرد المواطن يعني لازم اللي يتقدم يكون عبيط .

*****************************************

*إذا الشعب يوما أراد الحياة فلا بد أن يستجيب البقر

* يا نعيش عيشة لوكس.. يا نركب كلنا البوكس.

* في تونس ثورة ياسمبن.. ومصر ثورة لوتس، شكل الرئيس الجاي "جناينى".

* التوانسة كان نشيدهم إذا الشعب يوما أراد الحياة.

شعارنا: البنطلون لأ!

• البراداعي نقلوه المستشفى.. ضربوه باتين "كومنت" في وشه بعد التويتر الأخير.

• لو المصريين فازوا النهارده على الحكومة.. ح يقابلوا التوانسة في دور الثمانية ولا النهائي

***********************************

يعنى ايه كوكاكولا زيرو ...
** يعني مصر تعمل مظاهرات والجزائر تلغي قانون الطوارىء-
**يعنى العساكر والظباط تأخد أجازة نص السنة واحنا نوقف خدمة طول الليل-
**يعني احنا نعمل ثورة والمساجين هما إللي يتحرروا-

الشعب الليبي يرسل رسالة للعقيد معمر القذافي ويقول له : ايه رأيك سيادة القائد .. يوم الاتنين القادم يناسبك ؟
مش عارف بقى هايعملوا إيه لو جمعة الرحيل ماجبتش نتيجة......يعملوا بقى "سبت الخلاص" و "أحد الصمود" و "إثنين الإطاحة" و "ثلاثاء الإرادة" و "أربعاء التصميم" و "خميس الإعتصام" و "جمعة الوداع" و نضرب لنا أسبوع كمان يعملوا فيه "سبت الضياع" و "أحد الزهق" و "إثنين الفضا" و "ثلاثاء الخفة " و "أربعاء اللذاذة" و "خميس... اللطافة"..

************************************************

يقول لك مصري سالوه ايش تتمنى يصير بعد الرئيس
قال اتمنى الكرسي يكون ماركة تيفال

*****************************

عاجل:ﺍﻻﻣﻂﺍﺭ ﺗﺴﻘﻂ ﻋﻠﻲ
ﺳﻤﺎﺀ القاهرة ﻭﻫﺬﺍ ﺍﺳﺘﻄﻼﻉ ﻟﻼﺭﺍﺀ ﻣﻦ
ﻣﻴﺪﺍﻥ ﺍﻟﺘﺤﺮﻳﺮ
ﺍﻻﺧﻮﺍﻥ: ﻻﺣﻮﺍﺭ ﻣﻊ ﻧﻈﺎﻡ ﻣﺒﺎﺭﻙ ﻗﺒﻞ
ﺗﻮﻗﻒ ﺍﻻﻣﻄﺎﺭ
البرادعي : النظام مسئول مسئولية كاملة عن هطول الأمطار فوق الميدان
حركة 6 ابريل : مبارك وعدنا بالسلامة وهاهي الأمطار تغرقنا
قناة الجزيرة : وقد أفادتنا الأخبار ان المسئول عن هطول الأمطار هم بلطجية الحزب الحاكم

*******************************************************

****************************

************

***

نكت عن ثورة 25 يناير على كيف كيفك

أحمد عز: حل مشكلة حرق الناس لأنفسهم زيادة أسعار البنزين

بطرس غالي: فرض ضرائب جديدة على أسرة كل شخص يحرق نفسه بالبنزين

وزير البيئة: حرق المواطنين لأنفسهم هو سبب السحابة السوداء
...
وزيرة العمل: حرق المواطنين لأنفسهم يوفر فرصة عمل جديدة للشباب ليعملوا كرجال إطفاء.

أحمد نظيف : الشعب لا يعرف مصلحته والدليل سوء استخدامه للمنتجات البترولية

رشيد محمد رشيد: استيراد المزيد من البترول بعد إرتفاع استهلاكه في حرق الناس لأنفسهم.

صفوت الشريف: مصر أكبر من كل عمليات الابتزاز السياسي ، ومشعلوا النيران عديمو المسئولية

تامر أمين: حرق المصريين لأنفسهم بسبب التقليد الأعمى

شيخ الأزهر: من يحرق نفسه آثم شرعا ، ولا يجوز إطفائه على سبيل التأديب

حبيب العادلي : لا يجوز لأكثر من ثلاثة مواطنين حرق أنفسهم في الأماكن العامة.

فتحي سرور : على الموافقين على إصدار قانون لتجريم حرق المواطنين لأنفسهم رفع يده

جريدة الأهرام : إضراب رجال المطافيء و مطالبتهم بزيادة أجورهم ويشتكون من كثرة الحرائق المطلوب منهم إطفائها.

عبد الله كمال : المواطنون الذين يحرقون أنفسهم ليسوا مصريين ولكنهم عناصر مندسة
من حزب الله وإيران هي التي تقوم بتمويلهم.

جريدة الأخبار : مصر تستورد كميات كبيرة من أجهزة الإطفاء.

هيلاري كلينتون : الولايات المتحدة الأمريكية تطالب بحماية المواطنين من إحراق أنفسهم وتدعو النظام المصري لإتخاذ إجراءات تقلل من الغضب الشعبي.

أحمد أبو الغيط : إحراق المواطنين لأنفسهم شأن داخلي ، وكل مواطن مصري حر في إشعال النيران بنفسه

باراك أوباما : أمريكا ترغب في وضع قواتها العسكرية في مصر لحماية الأجانب والأقليات من دخان الحرائق التي يسشعلها المصريون في أنفسهم.

حركة حماس : ما يحدث للمصريين من إحراق أنفسهم بسبب شعورهم بالذنب
لمشاركتهم في حصار غزة.

بنيامين نتانياهو : لن نعود لمائدة المفاوضات قبل أن يتوقف المصريون عن حرق أنفسهم.

إيهودا باراك : حرق المصريين لأنفسهم يهدد سلام وأمن الشرق الأوسط.

جريدة الشروق الجزائرية : ومازال الخضر هم الأفضل ، الجزائر تتفوق على مصر في عدد الذين أشعلوا النيران في أنفسهم

نكت عن ثورة 25 يناير

نكت عن ثورة 25 يناير

نكت 2011

- أمنية واحد مصري: يا ريت مبارك كان ضربنا إحنا الضربة الجوية، وراح حكم إسرائيل 30 سنة، كان زمانهم بيشحتوا دلوقتي!

- مبارك بعد ما مات قابل السادات وعبد الناصر، سألوه: هاه؟ سم ولا منصة؟ رد عليهم بحرقة وقال: فيسبوك!

- الرئيس يعلن في بيان: وفاء مني لمصر ورغبة في تلبية طلبات الشعب لن أرحل حتى أحقق مطلب الشعب في القبض على السفاح ومحاكمته.

- بيقولك واحد لقي الفانوس السحري ودعكه.. طلعله العفريت وقاله: شبيك لبيك تطلب أيه؟ قاله الراجل: أنا عايز كوبري بين القاهرة وأسوان. العفريت قاله: دي صعبة قوي.. نقي حاجة تانية. الراجل قاله: خلاص خلي حسني مبارك يسيب الحكم. العفريت قاله: انت عايز الكوبري رايح جاي؟ ولا رايح بس؟

- "بلطجي" لقناة العربية: العيال بيرموا علينا قنابل "بلوتوث".

- شهود عيان فى أروقة وزارة التربيه والتعليم تفيد بأنه قد تم تأجيل امتحانات الدور التانى إلى أجل غير مسمى، معللة هذا بأن النظام سقط وعاوز وقت عشان يلحق يذاكر.

- عقد الريس جلسة مع وزير الداخلية السابق حبيب العدلي قاله محتدا: منعت الحشيش يا فالح؟ أهو الشعب صحصح.

- عمر سليمان: حسني مبارك ده هو أبونا كلنا.. محشش: ده إحنا طلعنا ولاد حرام يا رجالة.

أما من الشعارات التي حملها المتظاهرون المعتصمون في ميدان التحرير، فلعل من بين أبرزها:

- رابطة نجاري مصر يسألون الأسطى مبارك: "ما نوع الغراء الذي تستخدمه؟"

- ارحل.. الولية عاوزة تولد والولد مش عايز يشوفك

- ارحل عاوز أتجوز

- ارحل مراتي وحشتني.. متزوج من 20 يوم

- ده لو كان عفريت كان طلع

- لو ما استحمتش النهاردة في بيتنا.. هاستحمى يوم الجمعة في قصر الرياسة

Source forum.alnel.Com : http://forum.alnel.com/thread-17660-post-30727.html#pid30727

مولن يحذر من قطع المعونة العسكرية لمصر

حذر قائد الأركان الأمريكية مايكل مولن أمس من أن قطع المعونة العسكرية لمصر لا يمكن حساب تأثيرها‏,‏مشيرا إلي أن الولايات المتحدة كانت تساعد القوات المسلحة المصرية علي أن تكون جهازا يملك الثقل والمهنية‏.‏ وأدلي مايكل مولن بهذه التصريحات‏,‏ بينما كان يبرر المساعدات العسكرية الأمريكية للدول الحليفة في جلسة استماع بالكونجرس تركز علي جهود خفض النفقات‏,‏ مشيرا إلي أنه لا ينبغي النظر في تغيير تلك العلاقات ـ فيما يخص المساعدات أو الدعم ـ إلا بحذر شديد‏,‏ وبإمعان النظر في القضية بكل أبعادها‏,‏ وبتقدير الوضع علي المدي البعيد‏.‏

الصحة:365متوفي و5500مصاب منذ بداية الثورة

كشفت وزارة الصحة أمس عن تقديرات أولية عن أعداد المتوفين والمصابين منذ بداية الثورة ـ‏25‏ يناير الماضي ـ وحتي الآن‏,‏ حيث بلغ عدد المتوفين‏365,‏ غير أن هذا الرقم سيتضاعف مرة ونصف المرةبعد أن يتم حصر جميع المتوفين من مكاتب الصحة والطب الشرعي والأهالي التي قامت بدفن ذويها دون تصاريح دفن نتيجة ظروف الدولة وقتها‏.‏
وأكد الدكتور سامح فريد وزير الصحة ـ خلال مؤتمر صحفي ـ أن عدد المصابين بلغ‏5500حالة‏,‏ من بينهم‏2349‏ تم نقلهم لمستشفيات وزارة الصحة‏,‏ و‏600 بالمستشفيات الجامعية ولايزال‏123 يتلقون العلاج بالمستشفيات بعد مغادرة باقي الأعداد‏,‏ مشيرا إلي أنه منذ يوم‏2‏ فبراير وحتي نهاية الأحداث بلغ‏34 حالة‏.‏

وأشار وزير الصحة‏,‏ أن هيئة الاسعاف قامت بدور بطولي في الأحداث وأنه قد تم استرجاع سيارات الاسعاف التي سرقت في أحداث الثورة بعد‏48 ساعة من سرقتها‏,‏ وكان قد قيل أن تلك السيارات استخدمت في نقل بلطجية وأسلحة وغير ذلك وهذا غير حقيقي ولكن ما حدث هو أن سيارات الإسعاف قامت بنقل الآلاف من المصابين إلي المستشفيات ولم تقم بإبلاغ أي أسماء إلي الجهات الأمنية كما كان يتخوف البعض ولذلك جميع طلبات المحتجين من مرفق الإسعاف يتم دراستها لتلبيتها قدر الامكان‏,‏ مشيرا إلي أن معظم قطاعات الصحة خرجت في مظاهرات احتجاجية واعتصامات وجميع مطالبهم حول تثبيت العمالة المؤقتة‏,‏ مشيرا إلي أنه تقرر تثبيت العمالة التي مر عليها أكثر من‏3‏ سنوات‏,‏ وأن هناك لجانا تقوم علي تحقيق ذلك حاليا‏,‏ مشيرا إلي أن الوزارة لن تنهي تعاقداتها مع العاملين المؤقتين إلا لأسباب منهجية‏,‏ ولفت الوزير إلي أنه تشكلت لجنة عليا لتولي مشاكل العاملين بالوزارة وحلولها‏,‏ بسبب الوقفات الاحتجاجية برئاسة عبدالحميد أباظة مساعد الوزير وتلك اللجنة سوف تبحث مشاكل كل قطاع منفردا وسوف نضع الحلول في أسرع وقت ممكن‏.‏ ومن ناحية أخري‏,‏ أكد أن العلاج علي نفقة الدولة‏,‏ سوف يتم وقف العمل به نهائيا ولكن بشكل تدريجي‏,‏ كما سيتم العمل بقرارات العلاج التي تم استخراجها من قبل‏,‏ أما القرارات الجديدة سيتم استخراجها طبقا للقرارات التي يتم التوصل إليها من خلال اللجنة التي ستعقد يوم السبت القادم‏.‏

الشهيد المجهول ذو الوجه المبتسم

منذ ايام يرقد جثمان الشهيد ذو الوجه المبتسم في مشرحة مستشفي الهلال باحثا عن اسرة تنعيه او قبر ينعم فيه بمرتبة الشهادة‏..‏ الشهيد المجهول نشرت صورته صفحة كلنا خالد سعيد ودعت خلاله الي سرعة نشر الصورة بحثا عن ذويه.

نظرا لان مستشفي الهلال سوف تتولي عملية الدفن لعدم وجود من يتسلم جثمانه الطاهر ورغم قسوة مشهد الموت و مايتظهره من اصابات بالغة صعدت بروح البطل الي مرتبة الشهادة الا ان الالاف من التعليقات انهالت لتأبين الشهيد المجهول والدعاء له وتهنئته بجنة الشهداء وتوقف الكثيرون ليتأملوا في الابتسامة الهادئة التي زينت وجه الشهيد خاصة و ان اصاباته لاترسم الا ملامح الم وبكاء ليتأكدوا في النهاية من انها ابتسامة الجنة وفرحة الشهادة بملاقاة ربه ويرددوا الاية الكريمة وجوه يوم اذن ناضرة الي ربها ناظرة
الا ان تعليق محمود عيسي العضو في الصفحة حمل رأيا يستحق التقدير وهو ان يدفن الشهيد في ميدان التحرير ليكون قبر الشهيد المجهول نواة للنصب التذكاري لشهداء ثورة‏25‏ يناير في قلب الميدان النابض بروح الثورة والمزين بدم الشهداء‏,‏ وهي فكرة جديرة بالبحث والتنفيذ السريع وندعو المجلس الاعلي للقوات المسلحة ومحافظ القاهرة الي بحثها وتنفيذها علي وجه السرعة‏..‏ لان اكرام الميت دفنه‏.‏

قوات دعم إضافية في سيناء

ذكرت صحيفة يديعوت أحرونوت أن الحكومة الإسرائيلية وافقت علي طلب مصر إدخال وحدات دعم إضافية إلي سيناء‏,‏ وذلك بسبب تطورات الموقف الأمني‏.‏

وأوضحت الصحيفة أن هذا الدعم سيكون لفترة مؤقتة لفرض السيطرة علي شبه جزيرة سيناء‏,‏ ومنع استمرار أحداث الفوضي‏,‏ بحيث تنسحب هذه القوات مجددا بعد استقرار الأوضاع‏.‏

10‏رحلات عمرة لأمهات شهداء الثورة

قرر مجلس إدارة جمعية الأورمان تقديم‏10‏ رحلات عمرة مناصفة بين أمهات الشهداء من أبناء ثورة يناير وأمهات شهداء الشرطة وذلك استكمالا للخدمات التي قامت بها الجمعية من أول يوم من احداث الثورة‏.‏

ويؤكد ممدوح شعبان مدير عام الجمعية أن الجمعية مازلت تستقبل جميع حالات العيون المصابة من الأحداث وعلاجها مجانا والحالات التي تحتاج لأطراف صناعية وكراسي متحركة‏.‏
كما سيتم تقديم مواد تموينية وملابس وبطاطين ولحوم واستكمال المشروعات التنموية بجميع القري الفقيرة‏.‏

وائل غنيم يقوم بالرد على الاتهامات الموجهه اليه

بسم الله الرحمن الرحيم

رسالة لكل الشباب: أولا أنا باشكر كل الناس اللي بتنتقدني. فيه ناس بعتتلي ايميلات انتقادات واتصلت ببعضهم واتأسفت عن الخطأ لو ارتكبته. عايزين ننسى شوية فكرة الإنسان اللي مش بيرتكب غلطة. يعني مش عشان وائل غنيم أو غيره عمل غلطة يبقى وحش بس المهم إن اللي يعمل غلطة يكون عنده شجاعة الاعتذار والناس يكون عندها شجاعة تقبل الاعتذار.

الرد على الإشاعات عملية مرهقة جدا وبتستنزف طاقة بس نظرا لأني كنت شخص محدش يعرفه وفجأة ظهر على السطح وكل الناس شايفاه فأنا مقدر إن ناس كتير بتقلق. وعشان كده أنا هارد لأوضح مواقفي وأرد على كل الشائعات. ويا ريت تصدقوني لأني مش باكذب وكل كلمة باقولها هي الحقيقة اللي ملتزم بيها أمام ربنا.

[1]

زوجتي أمريكية أسلمت قبل سنة كاملة من مقابلتي ليها عن اقتناع وبعد قراءة كتب كتيرة عن الإسلام. زوجتي كانت مسيحية قبل إسلامها وزوجتي ملتزمة بتعاليم الإسلام أو بمعنى تاني زوجتي مسلمة أحسن مني ألف مرة. محجبة وبتصلي وبتصوم وبتربي الأولاد على احترام الدين.

[2]

أنا حضرت مظاهرة 25 يناير مش زي ما الناس بتقول إن محضرتهاش. وعندي صور وفيديوهات ممكن أبقى أنزلها. كنت مع المهنيين أمام دار الحكمة ورحت التحرير. وحضرت جزء من المجزرة بتاعة بالليل.

[3]

أنا مدير التسويق في الشرق الأوسط وشمال أفريقيا في جوجل واختصاصاتي هي الدول العربية فقط من الجزائر لحد الخليج. وحاليا أنا في إجازة عن العمل وتم سحب كل ما له علاقة بالعمل مني وده من تاريخ بداية الثورة. الشركة بتاعتي مكانتش تعرف حاجة عن الصفحة ومكانوش يعرفوا إني نازل أتظاهر. وجوجل مالهاش أي علاقة باللي حصل.

[4]

أنا مقدمتش على أي جنسية في حياتي غير المصرية. وده مش عشان أي حاجة إلا إني باحب بلدي وكنت رافض فكرة الجنسية المزدوجة لأني فخور إني مصري مش علشان أنا عميل وهما طلبوا مني للتخفي إني مقدمش على الجنسية زي ما بعض الناس بتقول.

[5]

أنا وعدت الناس بالانسحاب بمجرد تحقيق الأهداف. وأنا فعلا هانسحب بس الاهداف متحققتش. أنا لن يكون لي أي اشتراك في الحياة السياسية المصرية بس كمصري محدش يقدر يمنعني من المساهمة في تنمية المجتمع وتطوير التعليم وتشجيع السياحة ومساعدة الاقتصاد. ده اللي أنا باعمله دلوقتي عشان ده أهم بكتير أوي من اسقاط النظام السابق. أنا دلوقتي مركز على مبادرات لتنمية المجتمع لأن هو ده المهم حاليا تعليم المجتمع وتطويره.

[6]

موضوع الحديث مع الوكالات الأجنبية: أنا فعلا قلت مش هاتكلم معاهم وفضلت لأيام طويلة مش باتكلم معاهم رغم إن كل يوم بيجيلي منهم أكتر من عشرين مكالمة وزيارة في البيت. وظهرت في السي إن إن لسبب واحد هو إن اللواء عمر سليمان طلع على قناة إي بي سي الأمريكية بيقول للأمريكان إن المصريين غير مؤهلين للديموقراطية وإن الإخوان اللي عملوا المظاهرات فكان لازم أرد عليه ومظهرتش بعدها نهائيا في أي وسائل إعلام. لكن بعد انتهاء الثورة ظهوري في وسائل الإعلام ضروري لتوضيح صورة شباب الثورة وتقديم فكرة ايحابية عنهم. ودلوقتي محدش هيزايد خلاص. فقرار عدم الحديث ده كان مرهون بوقت الثورة واتكسر مرة واحدة بس بناء على اللي حصل مع عمر سليمان. ولازم نفهم ان القرارات ممكن تتغير لو الظروف اتغيرت.

[7]

أنا كتبت موقفي من التدخل الأجنبي بكل وضوح وقلت إن الحكومات الغربية لازم تفهم إن المصريين مش بينضحك عليهم وإن الحكومات دي بتدور على مصالح شعوبها بس وطلبت منهم عدم التدخل في شؤون مصر. ولو حصل أي محاولة للتدخل الأجنبي هنكون كلنا كشباب للثورة مستعدين نضحي بدماءنا عشان نحمي بلادنا من أطماع الأجانب.

[8]

بالنسبة للتضارب في موقفي ليلة الخميس (قبل تنحي الرئيس بيوم) وتصوير بعض وسائل الإعلام لموقفي ليلة الخميس بإني باطالب الناس بالرجوع لبيوتهم: أولا ندائي للناس كان قبل سماع خطاب الرئيس اللي كان كل مصر افتكرت خلاص إنه اتنحى. ده كان غلط مني فعلا وكان لازم أنتظر الخطاب قبل التعليق بس على فكرة الغلط ده وقع فيه أكبر رؤساء العالم وهو أوباما لأن الشائعات كانت قوية بتنحي الرئيس. وبعد ما الرئيس اتكلم أنا ما أعلنتش موقفي إلا تاني يوم الصبح. وأعلنته بكل قوة في قناة العربية وقلت إننا كشباب أقوى وهنفضل نطالب بحقوقنا لحد ما ناخدها.

[9]

بعد إعلان تنحي الرئيس كأي شاب تعرض لظلم شديد كان عندي مشاعر غضب وفرحة ورغبة في التشفي وده كان برضه غلط. بعد أقل من ساعة قررت إني أتراجع عن الموقف ده لأنه مش موقف نبيل وقررت إني أحذف كل رسالة سخرية كتبتها لأن في النهاية احنا معملناش الثورة دي لتصفية الحسابات إحنا عملناها عشان كلنا بنحلم بمصر أحسن.

[10]

فيه ناس بتحاول التشكيك في وائل غنيم عن طريق التشكيك في جوجل. أولا وائل غنيم مش جوجل وائل غنيم هو موظف في شركة جوجل زي ما حضرتك تبقى موظف في بنك أو شركة عادية. خدوا بالكم من النقطة دي جدا لأن فيه ناس بتحاول تهاجمني من خلال جوجل. وعلى فكرة مشكلة الترجمة في جوجل مشكلة معروفة وموجودة في لغات كتير وليها سبب علمي وهو إن ترجمة جوجل بتعتمد على تقنيات بتسبب أحيانا في أخطاء عدم دقة والإسرائليين نفسهم بيلاقوا أخطاء زي دي في الترجمة من انجليزي لعبري. فيا ريت ناخد بالنا.

[11]

أقسم بالله العظيم مش عايز أي حاجة منك يا مصر. أنا بس عايزك بخير

رسائل أخيرة للشباب:

- أنا باراعي ضميري .. بجد مش باعمل أي حاجة تخليني مانامش بالليل .. هافضل دايما بيحركني دافع الوطنية وحب البلد والخوف على ولادها .. ممكن أرتكب أخطاء بس هاسمع نصايحكم وهاصلح أخطائي وأعتذر عنها بشكل رسمي.

- وائل غنيم مش رمز ... وائل غنيم هو شخص عادي جدا زيه زيكم وحاول يكون ايجابي وربنا استخدمه في تحقيق حلم المصريين وكان ليه دور بسيط جدا زي ما ربنا بالظبط استخدم مئات الشهداء وآلاف المصابين وملايين المصريين. يا ريت بلاش التركيز على شخصنة الثورة في شخص وائل غنيم لأني مجرد واحد عادي.

- أنا خلال 20 يوم عديت بظروف صعبة جدا .. أول مظاهرة في حياتي .. وشعور بالخطر على حياتي .. وبعدين اختطافي .. وبعدين نايم متغمي العين وايدي متكلبشة لمدة 12 يوم .. وبعدين خرجت عشان أكون من المشاركين في المظاهرات .. وبعدين تحصل مشكلة الضغط على الناس وخطابات الرئيس .. كل الوقت ده مكنتش بانام كويس .. فيه 3 أيام أنا نمت فيهم ساعة واحدة بس. فطبعا الضغط ده كله تسبب في أخطاء كتير وفي إن شخصيتي تكون عصبية على غير العادة. أرجو تسامحوني لأن دول كانوا أصعب عشرين يوم في تاريخ مصر كله بدون أي مبالغة.

- شخصيا مسامح كل واحد شك وبيشك وهيشك في نوايا وائل غنيم لأني مقدر إن فيه انعدام للثقة عشنا فيه كتير في مصر ولأن برضه مش كل الناس لازم تثق في كل الأشخاص ولأن وائل غنيم بشر وهيفضل يرتكب أخطاء.

أرجوكم سامحوني وأرجو إني أكون وضحت موقفي.

بانر