اغنية
دم رخيص
غناء
شادى سرور
من الاول كده دي ماتعتبرش "متعتبرش" اغنية انا بس جبت اخري من كتر الهم اللي "فيا" فيه
احنا جيل شاف في كل انواع الاذية رغم صغر سني بس الاكتئاب متوزع فيا
اخواتي واصحابي عمالين يموتوا حواليا بدأت احس ان الدور المرة الجاية عليا
الدم بقى "بقا" رخيص ومفيش اي مسؤلية "مسئولية" لو اتقتلت بكره "بكرا" مفيش حد هيحسً بيا
اما الاعلام ماشي بس لتحديد اتجاهاته شخصية والافلام مجرد هز وسط ومهرجانات شعبية وناس عمالة تتخانق بين عسكر واخوانية
كفاية شتيمة وكره بعض اهدوا بقى شوية حتى الكورة كانت اكتر حاجة بتفرح البشرية
دلوقتي تروح تشجع في الاستاد ترجع جثة في عربية
انا واحد ملوش "مالوش" اساساً في الحوارات السياسية
أنا بس حياتي اتداس عليها حد يرجعها ليا
سنة تعليم و نجحت في الثانوية و كمان 4 "اربعة" كلية
ونص جيش وخدمة عسكرية مالقيتش "ملقيتش" شغل غير سكيروتي في شركة في العباسية
بكالريوس مرمي في البيت مالوش اي اهمية احلامي اتداس عليها ماحققتش "محققتش" اي امنية
علشان امشي مصالحي ويبقى عندي شوية حرية لازم يبقى عندي واسطة او جيوبي بالفلوس مملية
الناس كلها بقت مادية ناس تطلع تقولك ده بيتاجر بالكلام و ناس تانية هتقولك اني تبع عسكر او اخوان
اي كدب ع افترى بس انا مش قلقان انا بجي اقولك كلمتين والسلام انا زعلان الدم المصري بقى رخيص او بالمجان
الشباب متدمر وحالته "حالتو" زي الزفت من زمان آخرك لما حد يموت تغير صورتك اسود و تنساه مع الايام
سكوت الناس عماله تموت وانتم "انتو" لسة بتتخانقوا مين كلامه صح ومين كلامو مش مظبوط
تعالوا نرجع ايد واحدة من غير شروط من غير جحود نعمل وعود نزرع وعود نغير الموجود تمثلياتكوا على بعض عماله تضيعنا
نفسي مصر ترجع لمجد ايام الفراعنة ,, الله كريم
74 واحد ماتوا اهلاوية و 32 زملاكاوية ظباط جيش وعساكر غلابة في الداخلية والشباب الربعاوية "رابعاوية"
الدم المصري بقى سلعة مجانية الشباب الي ماتوا في التحرير والاتحادية مجلس الورزاء و ماسبيرو و المحكمة الدستورية
والاطفال اللي ماتوا في الاتوبيسات المدرسية اختلافكوا ده اللي مدمر البلد دية
اخرس مش عايز اسمع صوتك ولا حتى صوت سكوتك
من يوم ولادتك لحد يوم موتك عميل للامريكان شخص يهودي
انا اللي ماسك اللجام عمرك ما هتلغي وجودي
سامع صوت رصاص شامم ريحة بارود
انت عميل للنظام انا ماقتلتش "مقتلتش" الجنود
انا الصح انا اللي ماشي على الصراط المستقيم
وانت اكبر سبب لينا للواقع الاليم
اخرس اخواني ملكش اساس من الصحة ارهابي
قتلت في عيون شباب كتير الضحكة
امجادي و مغرقة كل حتة
انت بتضحك على الناس باي سكة
ابعد عن السياسة وسيبها لاسيادها
انت دمرت البلد دي و قتلت اولادها
اسمع مفيش حاجة هتحققها لـ ترجع السجون لـ تآخد بعضك وتعتقها