انه موريس صاديق أحد منتجى الفيلم المسئى لرسول الله صلى الله عليه وسلم واهو أحد اقباط المهجر المشتغلين بالعمل السياسى العام واللذى غالبا ما تصحبه زوبعه وضجه فى مصر والغرب
وأقباط المهجر بصفه عامه هما المصريين الأقباط اللى هاجروا من مصر و استقروا فى الغرب ، لكن التسميه بتتقال بصفه خاصه عن مجموعات الاقباط النشيطين بره مصر و بالذات فى امريكا و كندا و بلاد الاتحاد الاوروبى. النشطا دول عاملين تجمع سياسى و مهتمين بالقضيه القبطيه و بيتصلوا بجماعات دينيه و سياسيه و اعلاميه غربيه و منظمات لحقوق الانسان و غيرها بهدف الضغط على الحكومه المصريه لتحقيق مطالبهم.
وللعلم فأن اقباط المهجر بيطالبوا بعشر مطالب :
قانون موحد لدور العباده و حرية بنا الكنايس.
قانون للأحوال الشخصيه للأقباط.
تدريس التاريخ القبطى و وقف التمييز فى التعليم.
لغى الماده التانيه فى الدستور.
استعادة الأوقاف القبطيه.
لغى خانة الديانه من البطاقه الشخصيه و استمارات الوظايف.
منح نسبه اكبر من الوظايف القياديه للاقباط.
وقف التمييز فى الاعلام الرسمى.
تمثيل اكبر للأقباط فى الحياه السياسيه.
حرية التحول من دين لدين.
موريس صادق
هو محامى مصرى مسيحى هاجر لأمريكا سنة 2000 و بقى رئيس الجمعيه الوطنيه القبطيه الأمريكيه. بعد ثورة 25 يناير 2011 فى مصر طالب بتوفير الأمن و العداله للمسيحيين فى مصر بعد ما حصلت اعتداءات عليهم و على كنايسهم من الإسلامويين اللى زادت سطوتهم فى مصر بعد الثوره. و قال إن الثوره دى أسوأ ثوره فى تاريخ مصر. فى الظروف المتدهوره دى و مسيحيين مصر بيعانوا و أعلن موريس صادق إنه يطالب حمايه دوليه لأقباط مصر
وهو بيطالب بتأسيس حكم ذاتى ليهم ، مع إن كلامه مجرد رأى ممكن أى حد يقوله اتضخمت أقواله و انتشرت الأكاذيب فى وقت بتزيد فيه شوكة الاسلامويين فى المجتمع المصرى و رفع محاميين إسلامويين دعوى قضائيه ضده للقضاء الإدارى بتهمة التحريض على أمن الدوله فى الداخل والخارج ،
وقد اسقطت عنه المحكمه المصريه الجنسيه المصرية فى سابقة فريدة من نوعها
وهو من مؤيدين السلام مع اسرائيل وضد ثورة 25 يناير
صفحته على الفيس بوك لمن يود ان يرساله برساله محترمه
www.facebook.com/morris.sadek.3