كلمات اغنية يا سلام على حبي وحبك
ل
فريد الاطرش و شادية
شادية :
يا سلام على حبى وحبك
وعد ومكتوبلى احبك
ولا انامش الليل من حبك
يا سلام على حبى وحبك
فريد :
يا سلام على حبى وحبك
وعد ومكتوبلى احبك
ولا انامش الليل من حبك
يا سلام على حبى وحبك
شادية :
يا حبيبى هواك جننى
والشوق ملانى جراح
وحياتك تبعد عنى وتسيبنى عشان ارتاح
فريد :
وانا يعنى ماسك فيكى
ما هو قلبى اللى مشغول بيكى
شادية :
حبك حيرنى
فريد :
انا زيك بردو
شادية :
ربى يصبرنى
فريد :
ايوه انا فى عرضه
شادية :
اعذرنى لانى بحبك
مابنامش الليل من حبك
يا سلام على حبى وحبك
وعد ومكتوبلى احبك
يا سلام على حبى وحبك
فريد :
مش ممكن اعيش من بعدك
ده خيالك جنبى ليلاتى
وبقول لو ربنا ياخدك
كنت اعمل ايه يا حياتى
شادية :
انشا الله انت يا حبيبى يا هنايا وكل نصيبى
هولع فى روحى
يا قلبى وعنيه
فريد:
لا اوعى يا روحى
ده واجب عليه
شادية:
من ساعة قلبى ما حبك
مابنامش الليل من حبك
يا سلام على حبى وحبك
وعد ومكتوبلى احبك
يا سلام على حبى وحبك
جبتنى صحيح
فريد:
امال
شادية :
اتارينى بقيت فرحانه
فريد :
عقبال كل العذال
يتهنوا زى هنانا
شادية :
شوف وشى
اصفر ازاى من حبك
فريد :
شوفى جفنى
احمر ازاى من حبك
شادية :
هتعيش يا روحى معايا
وانت حياتى ودنيتى
كفايه حب كفاية
احسن يضر صحتى
فريد :
يا سلام على حبى وحبك
ده ما كان على بالى احبك
شاديه :
يا سلام على حبى وحبك
ما بنامش الليل من حبك
شادية وفريد :
يا سلام على حبى وحبك
وعد ومكتوبلى احبك
يا سلام على حبى وحبك