اغنية ذهب الليل بالصعيدي - القاء عالي ومميز
كلمات الاغنيه الرائعه من راجل صعيدي اصيل وجميل
ذهب الليل بالصعيدي
مرة في نجع بلدنا جالنا ريس كان مغرور
كان فاكرها تكيه اهله وكان عايش في الدور
قاموا قالولو وقف عندك مايصحش ياكبير
جاب العسكر وشيخ المنصر ويا الف غفير
نهبو بلادو وقوت ولادي الكبير والصغير
قام النجع بحاله قاله بطّل شغل حمير
قام النجع بحاله بثورة ضد ولاد الكلب
وضد الريس حسني مبارك اللي معندوش قلب
قام النجع بحاله قاله وقف عندك لاع
قام يهوش قام يلوش قلنا له هع هع
والله ماتقدر يابني علينا اصلك راجل نطع
بكرا تزيح من شمس الثورة ياتمثال من الشر
يللا ياولدي يدي في يدك خطوة للتغيير
لجل ماننقذ مصر بلدنا من مجرم شرير
يجي هريدي ويا جعيدي وتبقى الايد في الايد
هنرجع امجادك تاني من اول وجديد
بكرا الفرحه هتملي ربوعك من بحري لصعيد
ياام الدنيا يامصر ياغاليه طالع فجر جديد