للحد من الفيروسات
----------------------
الفيرس لما بيضرب اي فايل على الجهاز بيضرب الفايلات اللي الامتداد بتاعها .exe
و امتداد ال .exe مش بنلاقيه الا في البرامج و الالعاب فقط ..
زي ما احنا شايفين في الصورة برنامج yahoo 11 الامتداد بتاعه exe و بكده ممكن يتفيرس عادي .. لكن لو ضغطنا البرنامج باستخدام " برنامج الوين رار " مثلا هنلاحظ ان الامتداد بتاعه اتغير و اصبح .rar و بكده مستحيل ان البرنامج يتفيرس .. الا لو كان وقت ما ضغطنا البرنامج كان متفيرس اساسا ..
و ممكن بعد كده لما نيجي نسطب البرنامج ما نحتاجش اننا نفك الضغط .. و نسطبه عن طريق اننا ندوس كلكتين على البرنامج و هو مضغوط هتظهر شاشة تانية زي اللي في الصورة و عليها رقم -2- و هنلاقي البرنامج فيها بالامتداد بتاعه العادي و هندوس عليه كلكتين هيتسطب معانا عادي
معني ان الفيرس بيضرب الفايلات اللي الامتداد بتاعها exe .. اننا مثلا لو عندنا فايل ورد - word - هنلاقي الامتداد بتاعه .doc ..
فايل الورد عمره ما هيتفيرس اللي هو امتداد doc .. لكن اللي ممكن يتفيرس هو برنامج الورد نفسه .. يعني لو افترضنا ان برنامج الورد اتفيرس هنلاقي ان الفايل مش هيتفح معانا .. لكن لو غيرنا النسخة و شيلنا الفيروسات و سطبنا الاوفيس من الاول هنلاقي فايل الورد افتح معانا عادي
ده يعتبر من استخدامات برامج الضغط - الوين رار مثلا - كمان الموضوع ده مفيد للى عايز يحافظ على الملفات الموجودة على فلاشة أو هارد USB من إنها تتفيرس .. و ده عن طريق انه يضغطها