يا فارج الهم وكاشف الغم فرج همي ويسر أمري وارحم ضعفي وقلة حيلتي وارزقني من حيث لا أحتسب يا رب العالمين

الخميس، 28 يوليو، 2011

السرسجية

السرسجية , السرسرية , السيس , السرس , السواس
او بلغة البنات الولاد البيئة ....سميهم زى ماتحب تسميهم
كلها مصطلحات لها معنى واحد وهى الشخصية التالى شرحها...


كيف يمكنك التعرف على السرسجى
----------------------------------

اولا - المواصفات الفطرية للسرسجى:
=========================

1_رمز الرجولة (الشنب الاخضر) الذى بدونه لا يعتبر رجلا ولا يستطيع ان يرفع رأسه وسط اصدقائه السرسجية

.(تقول الاساطير أن السرسجية يولدون بالشنب ).
عجبى

2_يجب على السرسجى ان يطول شعر راسه (خصوصا الحبة ألى ورا) وان يكون من النوع الكيرلى (لامؤاخذة المفلفل).
هنقول ايه؟

3_يجب ان يفرغ السرسجى محتويات نصف زجاجة جيل (نعم نصف زجاجة جيل) ويفضل ان يكون جيل لامبادا وهو من الماركات المسجلة المضمونة
ماهو مش دافع حاجه من جيبه

4_اذا كان شعر السرسجى الطبيعى من النوع الخشن فعليه ان يستخدم دواء الملاين (جلات) والذى يستخدم فى فرد الشعر بما يتناسب مع الموضة
اخر انتكه من الاخر

5_تتميز سوالف السرسجى بالرفع مع الطول (زى الفتلة) او طويلة وعريضة جدا (زى نابليون وكليبر ايام حملتهم الفرنسية على مصر) .
قول للزمان ارجع يا زمان

6_يجب على السرسجى ان يطيل (يطول) ظافر اصبعه الصغير حتى يستطيع ان يستخدمه فى العديد من المجالات
اكثر المجالات دى انتشارا هو خربشه البنات على سبيل الهزار

تفاهه

7_فقط دعه يتحدث وستعرف وحدك انه سرسجى عن حق من خلال لهجته التى عجزت اغلب قواميس العالم عن ترجمتها وستلاحظ مفردات جديدة لللغة ومصطلحات عجيبة تكاد ان تكون شفرات او كلمات سرية تسرى بينهم
فاضلهم كلمتين ويعملو لغه جديده


ثانيا _ المواصفات الشكلية السرسجى:
=====================

1_ شخص يعتقد انه يتبع احدث خطوط الموضة العالمية وان كل الشباب من حوله متاخرين عنه بالكثير لذلك ستراه ينظر اليك بتناكة شديدة وكانك انسانا غريبا او اقل منه
تقولش الواد خلاص فتك اوووووى وماحدش اده


2_تتمثل عنده الشياكة بان يرتدى الالوان الفاقعة والقمصان المزركشة زات النقوش الغريبة والتى شيرتات زات الترتر وكلما يعكس الضوء هذا مع بنطلونات سوبر سوبر ديرتى (اغلبها صناعة صينيه) تتميز ايضا بتطريزات عجيبة وقطع جلد مطرزة بها وهذا خلاف موضة البناطيل الاررمى (بناطيل الجيش الامريكانى بلغتهم) التى ظهر منهت العديد من الالوان مع انها فى الاصل لون واحد فقط
قال يعنى العيال لابسين الاختراع اللى هيغير الكون

3-يشعر السرسجى بأهمية ارتداء حزام للبنطلون ويعمل على ابراز (توكة) الحزام ايا كان شكلها بأن يدخل القميص او التى شيرت داخل البنطلون
ومش التي شيرت كله اللى بيدخل دول يدخلو الجزء اللى ادام بس
حاجه تنقط

4_يفضل السرسجى ان يرتدى جزمة ببوز على بنطلون جينز او كاجوال وان يرتدى حذاء رياضى على البنطلون القماش بينما يشعر بالراحة عند ارتدائه (شبشب جلد بصباع) طوال الوقت مع (الترنك الاديبوس)
تقولش متخصص ازياء

5_فى الشتاء ونظرا لانخفاض درجات الحرارة يلجأ السرسجى الى ارتداء الايس كاب بما يميزه من الوان واشكال عجيبة ولكن الاهم من اللون والشكله و الماركة فيجب ان يكون الايس كاب ماركة اضيبوس او نايكي او توما
لازم طبعا الايس كاب ده بقى علامه الجوده بتاعتهم


6-يرى ان ساعة اليد المعدنية ذهبية اللون (والتى انقرضت منذ زمن سحيق) هى الافضل حتى الان ويرتديها مع اختلاف انواع الملابس (كلاسيك او كاجوال مش فارقة يا برنس)

لا تعليق
نظرا لانى اتشليت

7_أما بالنسبة لاصابع اليد فتنص قوانين السرسجية على ان يرتدى كل سرسجى دبلتين فضة فوق بعض وفى نفس الصوباع أكرر فى نفس الصوباع أما بالنسبة للخواتم ذات الفصوص فتركتها قوانين السرسجة اختيارية وليست الزامية
شوف الرأفه ماتفتحولهم جمعيه الرفق بالسرسجيه اسهل

8_ومن الاشياء التى ستنال اعجابك فى السرسجى هو حرصه الدائم على حمايه عيناه الثمينتان من اشعة الشمس الضارة لذا يحرص على ارتداء النظارة الشمسية (فقط خمسة جنيهات من على الرصيف) باستمرار وحتى بعد غياب الشمس وذلك لانه سرسجى فتك ويعرف ان الحرص واجب
قال يعنى الشمس ممكن تطلع بليل فجأه فلازم يبقى مستعد

9_اما عن الاكسسوارات فتتمثل فى أ- سلسلة قصيرة (تشبه سلسله الكلاب) وبدون اى شىء معلق بها مما تضفى عليه جانب رجولى قوى
وفاكر نفسك الواد الجن روح اعرف اصل السلسه الاول

ب- سلسلة مفاتيح (ميدالية) على شكل فانوس رمضان او كرة بلياردو او مجسما للكعبة المشرفة

وللايضاح تحتوى هذة الميدالية على
مفتاح المكنة + مفتاح العجلة القديمة +قطعة من الحديد او المعدن (لزوم الخناقات) .

تقولش الواد جن ومقطع العيال ومعلم عليهم

10_اذا كنا لم نعد نستطيع العيش دون استخدام الموبايل فما بالك بالسرسجى الذى يعتبر من اهم الشخصيات فى البلد لذا فأن جهازه المفضل من الموبايلات هو (العدة الصينى) الذى يتميز بارتفاع صوت نغماته حتى يستطيع أن يحقق الازعاج التام لكل من حوله
هو كده الواد الجامد الجان الشيك

اشيك شب على الشط بمعنى اصح


ثالثا _ وسيلة انتقال السرسجى:
=====================

1_ السرسجى الغنى يفضل التنقل بسيارته الفارهه (الحتة البيجو 504)

2_ السرجى متوسط الحال والشعبى لايستطيع ان يتنقل دون عزيزته ورفيقة ضربة وزميلة رحلة كفاحة (المكنة) وغالبا ماتكون ايضا صناعة صينية



رابعا _ هوايات السرسجى:
=====================

1_ القيام بجميع الحركات البهلوانية باستخدام المكنة والتى تبين مدى خبرة السرسجى فى عالم المكن

والله نص البنات بتبقى فاقسه الحركات دى وبتحتقرهم اوووووووووووووى

2_الوقوف عند مدارس البنات ومراكز الدروس الخصوصية ومعاكساتهم بطريقة بذيئة (مثلا : يا خربيت**** او ايه يا بت ال**** الجامدة دى )وغيرها من العبارات البذيئة التى تخدش حياء اى بنت
ماهو لو فكر فى اخته مش هيعمل كده
ولو قولتله كده يقول ما انا ماعنديش اخوات
قال يعنى الحريم اللى فى عيلتهم كلهم ماتو

‏هناك 4 تعليقات:

غير معرف يقول...

اللي فهمته انهم ناس غلى قد حالهم سيبوهم بحالهم ولا مالهم حق يعيشون..

غير معرف يقول...

نسيت حاجة..الاغانى الشعبية و المهرجنات اللى وجعين بيها دماغنا طول النهار و الليل

يا سبرسجية يا ولاد المرة

محمد مجدى

غير معرف يقول...

فعلا دي ناس على قد حالها ونفسها تتعامل زي اولاد الناس " الأغنياء يعني " لان دول بس اللي ليهم الاحترام وبيعملوا الموضة في البلد حتى لو وسطها ساقط

Ahmed Taha يقول...

شكرا علي الشرح الوافي

إرسال تعليق