بانر

خايف عليكى يا بلادى


خايف اوى اوى


خايف عليكى يا بلدى
خايف عليكى يا بلدى من كتر الغدارين
قالوا حبوا وهما خانوا من عشرات السنين
نهبوكى وضيعوكى وفاتوا لينا الأنين

وكأننا عايشين فيكى ومش عايشين
نجرى نشوف اللقمه وهما كدة راضيين
يدورونا فى ساقية وعيوننا مربوطين
ودماغنا بس فى قوتنا قاموا استغلوا سكوتنا

رموكى فى بحر هايج من غير طوق النجاه
من غير ولا حتى رحمه اكراما" للحياه
رموكى بقلب ميت من غير حتى انتباة
ماهو قلب غدارين مات جواه الحنين

كانوا فكروكى متتى لكن لحظة ما فوقتى
قدرتى تفضحيهم ويبان الغدارين
دول هما الفاسدين
دول هما المرتشين
دول هما اللى باعوكى من عشرات السنين

دول هما اللى باعوكى وخدوا فيكى الثمن
وفاكرين ان هما اقوى من الزمن
ياريت تخلصينا ويدفعوا الثمن
هيدفعوا الثمن

ايام زمان يابلدى ياريت فى يوم تعود
زمن ما كان ولادك بيحفظوا العهود
لو مد حد ايدة ميكونش ليه وجود
كان مابين حبنا وحب الفساد سدود
وحبنا ما بيننا يخطى كل حدود
وكل قادر فينا من خيره لغيره يجود
مفيش فساد موجود
مفيش فقير موجود
كل القلوب بتجود
ايام زمان يا بلدى ياريت فى يوم تعود
يا ريت فى يوم تعود
شعرباللهجة العاميه