يا فارج الهم وكاشف الغم فرج همي ويسر أمري وارحم ضعفي وقلة حيلتي وارزقني من حيث لا أحتسب يا رب العالمين

السبت، 5 فبراير، 2011

كلمات اغنية يا مصرى قوم هش الوطاويط كفاياك تبليط

كلمات اغنية يا مصر قوم هش الوطاويط كفاياك تبليط
 

يا مصري ليه دنياك لخابيط و الغُلب محيط
و العنكبوت عشش عالحيط و سرح عالغيط
يا مصري قوم هش الوطاويط كفاياك تبليط
صعبة الحياة و الحل بسيط حبة تخطيط..

فتحت باب استيرادك.. و صرفت فوق ضعف إيرادك
حلي للخواجة استكرادك.. سابك بتقرا في أورادك
و ده قشَطّكْ و نزل تشفيط..

و مهولاتي تحب تزيط...
ساعة الفرح زغاريط تنطيط...
و في المياتم هات يا صويت..
و في المظاهرات سخن تشيط ..
و في الإنتخاب تنسي التصويت...

و ليه بترشي و تتساهل ... و تضيع حقوقك بالساهل
تستاهل النار تستاهل..
يا غويط و يحسبك الجاهل
ساهل و ساهي و غبي و عبيط..

يا مصري ياللي الغلا عاصرك...
و النهب في عصرك حاصدك
قوم للحياة و اسبق عصرك.. و لا حاجة حترجع مصرك
إلا ان تكون شغال و نشيط.

‏ليست هناك تعليقات:

إرسال تعليق