حيقدم النجم عمرو دياب لأول مرة خلال مشواره الفنى ألبوم كامل من ألحانه، ماعدا أغنية واحدة، وحيطرح الألبوم فى آخر شهر سبتمبر .
ألبومه الجديد أسمه "بناديك تعالى" وهيكون فيه 12 أغنية لحن منها عمرو 8 أغنيات لوحده، و3 مشترك مع ملحنين.
دي مش أول مره يغنى فيها عمرو من ألحانه، وكان ديماً بيشارك في الألبوم بتاعه بلحن أو لحنيين لكن الجديد أن عمرو يلحن 8 أغاني بنفسة
بيضم الألبوم أغانى "بناديك تعالى" من كلمات تامر حسين، وألحان عمرو دياب، “وهالله هالله” من كلمات تامر حسين، وألحان عمرو مصطفى ورؤية موسيقية ومشاركة فى الألحان عمرو دياب، و”ألومك ليه” من كلمات أيمن بهجت قمر، وألحان عمرو دياب، و”ياريت سنك” من كلمات بهاء الدين محمد، وألحان عمرو دياب، و”عارف حبيبى” من كلمات أيمن بهجت قمر، وألحان عمرو دياب، و”يوم ما اتقابلنا” من كلمات تامر حسين، وألحان عمرو دياب، و”معاك برتاح” من كلمات أمير طعيمة، وألحان أحمد صلاح حسنى، وعمرو دياب، و”هى حياتى” من كلمات مجدى النجار، وألحان عمرو دياب، و”تجربة وعدت” من كلمات مجدى النجار، وألحان عمرو دياب، و”أغلى من عمرى” كلمات مجدى النجار، وألحان عادل حقى وعمرو دياب، و”مالى عينيا” من كلمات تامر حسين، وألحان عمرو دياب، و”ما أقدرش أنا” كلمات تامر حسين وألحان عمرو طنطاوى، وعادل حقي هو اللي وزع كل الألبوم.
دياب سلم النسخة الأصلية من ألبومه لشركة "روتانا" الأسبوع اللي فات، وحددت الشركة يوم 27 من شهر سبتمبر ميعاد لطرحه في السوق.
بيراهن عمرو دياب بقوة على الألبوم ده بالتحديد عشان بيعتمد على الشباب زي الشاعر تامر حسين فى كتابة أكتر من 4 أغاني، وهو اللى كان كتب له أغنية "وياه" قبل كده،.
من ناحية تانية بيستعد عمرو دياب للسفر إلى الولايات المتحدة الأمريكية يوم الخميس اللي جي، عشان يبداء جولته الغنائية فى عدد من الولايات وحيكون أول حفلة يوم الجمعة اللي جاية فى سان فرنسيسكو بقاعة بيل جراهام، وحيفتتح الحفل المغنى العالمى أراش، وحيشاركه الدى جى تامر يحيى.
وحيكون الحفل التانى يوم 10 سبتمبر بلاس فيجاس بهيلتون لاس فيجاس، وحيفتتح الحفلة برده أراش,
و الحفلة التالتة هتكون في بهستون تكساس يوم 16 سبتمبر في قاعة أرينا كونسرت وحيشاركة أراش،و الدى جى تامر يحيى، والرابعة في أتلانتك سيتى17 سبتمبر في تاج محل أرينا، والخامسة في ديترويت23 سبتمبر في دار أوبرا ديترويت ، وأخيرا في تورنتو – كندا يوم 24 سبتم