بعض مما كتبه وائل غنيم على صفحة كلنا خالد سعيد
-محاولات اقتحام أي سفارة ولو كانت سفارة العدو الصهيوني أبسط ما يقال فيه هو أنه تصرفات مجموعات صبيانية نسيت أهداف الثورة الأساسية وبتجرنا كلنا لمشاكل داخلية وخارجية هتصب في حاجة واحدة بس إخماد ثورتنا .. اللي بيحصل ده مرفوض ولا يمكن تبريره بأي شكل من الأشكال
-عايز تجيب حق بلدك؟ عايز تخلي بلدك ليها استقلال وسيادة حقيقية وتنتزع أي حق ليها .. يبقى لازم نفهم إن أهم هدف لينا دلوقتي هو تحول مصر الديموقراطي اللي بيضمن إن اللي بيحكم البلد هما اللي بيمثلوا كل طوائف الشعب .. كل الناس كانت سعيدة باللي عملته تركيا مع إسرائيل .. بس هل تركيا كانت هتقدر تعمل ده بحاكم دكتاتور مصالحه متشابكة مع إسرائيل وأمريكا؟ .. محتاجين صبر ورؤية تحركنا في الاتجاه الصحيح .. أخذ الحق صنعة
-نحن نشهد مسلسل للانسياق وراء عواطف جياشة وحماس يفرّغ الثورة من مضمونها ويجعلنا جميعا نحتفل بانتصارات وهمية لو لم نستخدم عقولنا ستتحول لفشل وإحباط لجيل حلمه كان تغيير بلاده .. فليرضى عني من يرضى وليغضب عنّي من يغضب ولكن ما يحدث الآن مخالف لما نحلم بأن يحدث في مصر ويجب أن نفيق وبسرعة الآن ونصحح مسارنا لتحقيق حلم الثورة في أن تستقل بلادنا سياسيا واقتصاديا وتتحول إلى قوة يهابها العالم فيجبر على احترامها
-جدول زمني لتسليم السلطة لمدنيين - لا للمحاكمات العسكرية - تطبيق الأدنى والأقصى للأجور - تطبيق مطالب استقلال القضاء .. مانشيتات لن تكتب غدا في الجرائد بسبب ما حدث من انحراف لمسار المظاهرات .. صحيح الشباب محبطين بسبب التباطؤ في احداث تغيير حقيقي وعدم التواصل وغياب الشفافية .. بس في نفس الوقت لازم نفكر في حلول تخلينا نوصل للي عايزينه .. مجرد تفريغ شحنات الغضب مش هيوصلنا للي عايزينه .. عارفين إن كلامنا بيزعل ناس كتير ولكن نزعل من بعض دلوقتي أحسن ما نزعل كلنا بعدين